எங்கே தேடுவேன்?

படம்: பணம்
பாடல்: கண்ணதாசன்
இசை: எம்.எஸ்.விஸ்வநாதன், இராமமூர்த்தி
பாடியவர்: என்.எஸ்.கிருஷ்ணன்
ஆண்டு: 1952

எங்கே தேடுவேன் 
எங்கே தேடுவேன்? - பணத்தை 
எங்கே தேடுவேன்?

உலகம் செழிக்க உதவும் பணத்தை 
எங்கே தேடுவேன்?

அரசர் முதல் ஆண்டியும் ஆசைப்படும் பணத்தை
எங்கே தேடுவேன்?

கருப்பு மார்க்கெட்டில் கலங்குகின்றாயோ?
கஞ்சன் கையிலே சிக்கிக் கொண்டாயோ?

கிண்டி ரேசில் சுத்திக் கிறுகிறுத்தாயோ?
அண்டின பேர்களை ரெண்டும் செய்யும் பணத்தை
எங்கே தேடுவேன் - பணத்தை
எங்கே தேடுவேன்?

பூமிக்குள் புகுந்து புதையலானாயோ?
பொன் நகையாய்ப் பெண் மேல் தொங்குகின்றாயோ?

சாமிகள் அணிகளில் சரண்புகுந்தாயோ?
சந்நியாசி கோலத்தோடு உலவுகின்றாயோ? 

எங்கே தேடுவேன்? - பணத்தை 
எங்கே தேடுவேன்? 

திருப்பதி உண்டியலில் சேர்ந்து விட்டாயோ?
திருவண்ணாமலைக் குகை புகுந்தாயோ?
இருப்புப் பெட்டிகளில் இருக்கின்றாயோ?
இரக்கமுள்ளவரிடம் இருக்காத பணந்தனை
எங்கே தேடுவேன் - பணத்தை
எங்கே தேடுவேன்

தேர்தலில் சேர்ந்து தேய்ந்து போனாயோ?
தேக சுகத்துக்காக ஊட்டி சென்றாயோ?
சுவற்றுக்குள் தங்கமாய்ப் பதுங்கி விட்டாயோ?
சூடஞ் சாம்பிராணியாய்ப் புகைந்து போனாயோ? 

எங்கே தேடுவேன் 
எங்கே தேடுவேன்? - பணத்தை 
எங்கே தேடுவேன்?

உலகம் செழிக்க உதவும் பணமே பணமே பணமே பணமே!